„დარჩენილი არის 400 მეტრი ცენტრალურ მაგისტრალამდე, 400 მეტრი არის ავტომატის დაფარვის ზონა“ - სკანდალური პროგნოზი

რუსეთის მთავარი მიზანი დასავლეთ საქართველოსთან დამაკავშირებელი საავტომობილო გზაა- აცხადებს პაატა დავითაია. საოკუპაციო ხაზის მორიგი გადმოწევის თემაზე საუბრისას, "ევროპელი დემოკრატების" ლიდერი აცხადებს, რომ ცენტრალურ მაგისტრალამდე მხოლოდ 400 მეტრია დარჩენილი, რაც მაგალითისთვის, ავტომატური ცეცხლსასროლი იარაღის დაფარვის ზონაა. დავითაიას თქმით, ახლა იქ, რომ სროლა დაიწყოს, მაგისტრალზე ავტომანქანები ვეღარ იმოძრავებენ. დავითაია ამბობს, რომ  ხელისუფლება ქვეყნის ინტერესებს არ იცავს არც საერთაშორისო ასპარეზზე და არც ქვეყნის შიგნით, როდესაც პატივს არ სცემს კანონს ოკუპაციის შესახებ. დავითაიას განცხადებით, ამ კანონის დამრღვევი პირების გახშირებული ვიზიტები საქართველოში, ტესტია რუსეთის მხრიდან:

 "ეს იმიტომაა, რომ მთელი პოლიტიკა ქართული ოცნების მხრიდან მიმართული იყო იქითკენ, რომ მოხსნილიყო საქართველო საერთაშორისო დღის წესრიგიდან. ეს რუსეთმა იცის ძაან კარგად. ის არანაირ ფასს არ იხდის იმ მცოცავ ოკუპაციაში, რომელსაც აწარმოებს. აქედან გამომდინარე, არ ეშინია ნაბიჯების გადადგმა და ამ ნაბიჯებს დგამს. მთავარი მიზანი ეს არის საავტომობილო გზა თბილისსა და დასავლეთ საქართველოს შორის, დაახლოებით დარჩენილი არის 400 მეტრი ცენტრალურ მაგისტრალამდე. 400 მეტრი არის ავტომატის დაფარვის ზონა. თავისუფლად შეიძლება ახლაც რომ დაიწყოს ვიღაცამ სროლა მანქანები უკვე ვეღარ ივლიან და მათ უნდათ ამ ტრასის ხელში ჩაგდება და შუაზე გადატეხვა დასავლეთ და აღმოსავლეთ საქართველოსი. აქედან გამომდინარე, ხელისუფლება ყველაფერზე იგნორს აკეთებს, არც უნდა ამ პოლიტიკით დაკავდეს და რეალურად,   მთელ პერიმეტრზე უნდა იყოს უკვე საგუშაგოები განლაგებული. უკვე უნდა იყოს მოძრავი საპატრულო ეკიპაჟები.

გარე თემებში არსად არ აყენებენ საკითხს. პირიქით, ელაქუცებიან რუსეთს და ყველაფერს აკეთებენ მათი ინტერესებიდან გამომდინარე. არ იცავენ ოკუპაციის კანონს. რეალურად რომ ჩამოდის ეს ხალხი, ეს არის ტესტი რუსების მხრიდან - აბა როგორ მოიქცევიან ქართველები. ხედავენ, რომ საკუთარ კანონს არ სცემ,ენ ქართველები პატივს, როდესაც ჩამოვიდა იგივე, პუტინის მრჩეველი და შსს-მ გააკეთა განცხადება, რომ ხანდაზმულობის ვადა ჰქონდა გასული, თუმცა 2014 წელსაც იყო სოხუმში. ეს ცხადყოფს იმას, რომ დასცინიან ქვეყანას რუსეთიდან, დასცინის ქართული ოცნებაც და აქედან გამომდინარე ეს კიდევ გაგრძელდება თუ სტრატეგია არ შეცვალა ქართულმა ოცნებამ" განაცხადა პაატა დავითაიამ "პირველ რადიოსთან" საუბარში

"ბიძინა ივანიშვილი იმყოფება მიუნხენის კლინიკაში. დიაგნოზი არის იშემიური შოკი” - რა ინფორმაციას ფლობს ელისო კილაძე

"ქრონიკა +"- ის მთავარი რედაქტორი ყოფილი პრემიერის, ბიძინა ივანიშვილის ჯანმრთელობის შესახებ ინფორმაციას ავრცელებს. ელისო კილაძის ინფორმაციით ივანიშვილი გერმანიის ერთ-ერთ კლინიკაში გადის მკურნალობას.

მისივე ინფორმაციით ექსპრემიერს იშემიური შოკის დიაგნოზი დაუსვეს.

"ბიძინა ივანიშვილი იმყოფება გერმანიაში მიუნხენის გარეუბანში, კლინიკაში.

დიაგნოზი არის იშემიური შოკი.

ნებისმიერ ემოციას-დადებითს და უარყოფითს შეუძლია გამოიწვიოს ფართო ინსულტი.

უახლოესი თვეები ის იქნება იზოლირებული .

პოლიტიკას ჩამოშორებულია !!!"- წერს ელისო კილაძე.

C www.newposts.ge

რუსი ტურისტის დამცინავი ბლოგი საქართველოზე - " ჩვენ 90-იან წლებში მოვხვდით"

რუსი ტურისტი ანდრეი სმირნოვი საქართველოში მოგზაურობის შესახებ ბლოგს აქვეყნებს, სადაც აღნიშნავს, რომ საქართველოში მოგზაურობამ 90-იანი წლები გაახსენა და ერთი სული ჰქონდა, "დიდებულ მოსკოვში" დაბრუნებულიყო.

"საქართველოში ყოფნის მეხუთე დღეს მოსკოვში დაბრუნება მომინდა. შავებში ჩაცმული ქართველების შემდეგ ისევ სხვადასხვა ფერის ტანსაცმელში გამოწყობილ მოსკოველებს შორის მომინდა ყოფნა. ჩვენ ისევ მოვხვდით 90-იან წლებში და დროა 2017-ში დავბრუნდეთ.

პირველივე დღეს ძველი ქალაქი დავათვალიერე. შოკი იყო. ასობით დანგრეული ხის და ქვის სახლი, სანახევროდ დანგრეულებიც. სადღაც კედელი აკლია, მაგრამ რამდენიმე ფანჯარაში ანთია შუქი. რომელიღაც ბინას არ აქვს იატაკი, მაგრამ დანარჩენ ბინებში ხალხი მაინც ცხოვრობს. ზოგიერთი აივანი თავისუფლად შეიძლება თავზე დაგეცეს. ასფალტი მოშლილია ან არ არსებობს.

საღამოს რესტორანში წავედით. მოაქვთ მენიუ რუსულ ენაზე. მიმტანი 20 წლამდე, თავაზიანი, რუსულად კი ლაპარაკობს, მაგრამ სიტყვები აშკარად აკლდება. შევუკვეთეთ მწვადი, ხაჭაპური და ლობიო. მენიუში ლობიოსთან ერთად გაურკვეველი რუსული სიტყვა წერია. ეს რა არის? - ვკითხეთ. ბიჭი ცოტა ხანს დაფიქრდა და გვაპუსობს = კომბოსტო. ერთმანეთს გაკვირვებით შევხედეთ და გადავწყვიტეთ ეს უცნაურობა გაგვესინჯა. მოიტანეს ლობიო ქოთანში, კომბოსტოს გემოს ვერ გვრძნობთ. ქოთნის გვერდით კი თეფშზე წიწაკის მარინადი დევს. დავუძახეთ მიმტანს. "ეს არის კომბოსტო?“ - მივუთითებთ წიწაკაზე. „კომბოსტოა“ - გვპასუხობს ის.

სიცილი ძლივს შევიკავეთ.

დილით მივდივარ მშრალ ხიდზე, სადაც ძველმანების ბაზრობაა, გვერდით მდებარე სკვერში კი მხატვრების ნამუშევრები იყიდება. ასფალტზე ქართველების მთელი ყოფილი საბჭოთა სიმდიდრე აწყვია: ფაიფურის ქანდაკებები, ჭურჭელი, კედლის საათები, ბროლის ლანრაკები, ჭიქები და ჭაღები, ბეჭდები, საყურეები, წიგნები რუსულ ენაზე, ძველი ტაშტები, ინსტრუმენტები, მაკრატლები, უთოები. ჩანს, რომ საბჭოთა დროს ქართველებს არ უჭირდათ, ახლა კი ყველაფრის გაყიდვა უწევთ, რაშიც კი რამე თანხის მიღება შეიძლება. ჩვენ თითქმის ახალი, საბჭოთა მოოქროვილი ჩაის ნაკრები მოგვეწონა (75 ლარი - 1800 რუბლი). საბჭოთა კავშირში ასეთ ნაკრებს ნაცნობობით თუ შეიძენდი.

ხიდთან საფეხმავლო ქუჩაა, აბაშიძის. მისი სრული რესტავრაცია მოხდა 2016 წელს. ქუჩაში რამდენიმე ნახევრადცარიელი კაფე და პატარა მაღაზიებია. შევდივართ ჩანთების მაღაზიაში. „ფენდი“ მაიკლ კორსი“, „ბარბერი“, „შანელი“... 2000-იდან 6000 რუბლამდე. შემდეგი ფეხსაცმლის მაღაზიაა. ყველა ფეხსაცმელი თურქული წარმოების.

ლესელიძის ქუჩაზე საბავშვო მაღაზიაში შევიხედეთ. ვათვალიერებთ კაბას HM-ის იარლიყით. ფასი 20 ლარი(500 რუბლი). გამყიდველს ვეუბნებით, რომ ხვალ გამოვივლით. ის კი მოწყენილად გვპასუხობს: „მე დღეს მჭირდება ფული.“ შევხედე და მივხვდი, მას ნადვილად დღესვე, ძალიან სჭირდება 500 რუბლი.

თბილისში ძალიან ცოტაა ჩვენთვის ცნობილი ტანსაცმლისა და ფეხსაცმლის მაღაზია. რა თქმა უნდა, გუმი ან ცუმი ქართველი მომხმარებლისთვის არაა შექმნილი. მოსახლეობას არ აქვს ფული, ამიტომ ასეთი ბრენდების გახსნა არც ღირს. როგორც ჩვენ გავიგეთ, კომერციული ცენტრი მხოლოდ ერთია - ქალაქგარეთ. არც თუ ისე დიდი 4-სართულიანი შენობა, რომლის მხოლოდ ორ სართულზეა მაღაზიები, ხოლო ზედა სართულები ცარიელია. საღამოს 6 საათზე ძალიან ცოტა ხალხია. პირველ სართულზე ქალაქში ყველაზე დიდი სუპერმარკეტია. ყველა დასახელება და ქვითრები - ინგლისურად და ქართულად არის.

თბილისში, პროდუქტის ბევრი პატარა მაღაზიაა, თუმცა პროდუქტების არჩევანი მცირეა(მაგალითად, მხოლოდ 2 სახის ყველი - იმერული და სულგუნი, არავითარი რუსული ყველის მსგავსი, ან ფეტა ან მოცარელა).

მთელი იქ ყოფნის განმავლობაში ჩვენ მხოლოდ ერთი პატარა წიგნის მაღაზია შეგვხვდა. კითხულობენ თუ არა ქართველები წიგნებს, არ ვიცი.

ქუჩებში ბევრი მოწყალების მთხოვნელია, არა მხოლოდ მოხუცები არამედ ახალგაზრდა ქალები.

მცხეთაში შავებში ჩაცმული ქალები ხელებზე ჩაგებღაუჭებიან და გიყვებიან ისტორიებს შვილებზე, რომელთაც პურიც კი არ აქვთ და არ შეგეშვებიან, სანამ ფულს არ მისცემ. სიღნაღისა და გორის გზაზე კი ქარი ნაგავს დააფრიალებს, ხეებზე და ბუჩქებზე პარკები კიდია.

ერთ საღამოს მთავარ ქუჩაზე შოთა რუსთაველის გამზირზე გავედით. რუსეთის იმპერიის დროს აგებულმადიდებულმა შენობებმა ჩვენი ყურადღება მიიქცია. და ამ ყველაფრის შუაგულში დიდი ასოებით აწერია „საბჭოთა ოკუპაციის მუზეუმი.“

გეტყვით, რა მომიყვა ადამიანმა, რომელიც მუზეუმში იმყოფებოდა: „მუზეუმი მოგვითხრობს ყველა საშინელებას რაც ბოლშევიკებმა ქართველი ერის წინააღმდეგ ჩაიდინეს. მუზეუმის „მოსაცდელ ოთახში“ დგას ვაგონი, რომელშიც თითქოს ბოლშევიკებმა ქართველები დახვრიტეს. დარბაზის ცენტრში - ციხის კარებია. მთელი გამოფენა საპრყობილეს ჰგავს. წარწერები რუსულად არ არის: მხოლოდ ქართულ და ინგლისურ ენებზე . ამ საშინელ ფაქტებს კი ბოლშევიკების შესახებ, უცხოელი ტურისტები კამერებზე აღბეჭდავენ.

და აი აქ კი აღვშფოთდი: საქართველო საკუთარი თხოვნით გახდა იმპერიის ნაწილი. თბილისში ყველა სახლი აგებულია მე-19 საუკუნეში, მე-20 საუკუნის დასაწყისში. გენერალს (სტალინი) ან დანანებია ფული საკუთარი სამშობლოსთვის. ყველა ცნობილი ეკლესია-მონასტერი მე-19 საუკუნეში აღადგინეს, საბჭოთა კავშირის დროს.

მადლიერმა საქართველომ რუსეთს ძეგლი დაუდგა - საბჭოთა ოკუპაციის მუზეუმი!

თუ 2014 წელს საქართველოში 4.5 მილიონი ქართველი ცხოვრობდა, 2015 წელს ოფიციალური მონაცემებით 2.7 დარჩა. რესტორანში ახალგაზრდა მუსიკოსმა გვითრხა, რომ ამ წელს მეუღლესთან და შვილთან ერთად მოსკოვში აპირებას საცხოვრებლად გადასვლას.

უნდა ვაღიარო, დროდადრო, საბჭოთა კავშირის დაშლის გამო სინანული მეუფლებოდა. მაგრამ საქართველოში ყოფნის შემდეგ, რომელსაც „რუსეთი კვებავდა“, მივხვდი, რომ ეს სწორი გადაწყვეტილება იყო. მათ სკოლიდან რუსული ენა განდევნეს და პირველი კლასიდან ინგლისურს ასწავლიან, ქუჩები სასვეა ქართული და ინგლისური წარწერებით, ყველა მუზეუმსა და ეკლესიზეც კი. რას იზამ. ამერიკა დაეხმარება მათ! შესაძლოა...

ჩვენ კი მოსკოვში დაბრუნება გვიხაროდა. მისი ხმაურიანი ფართო ქუჩებით, დიდებული იმპერიული არქიტექტურით, ღია ფერის ტანსაცმელში გამოწყობილი ახალგაზრდებით, ჭრელი ტაძრებით და მოოქროვილი გუმბათებით, მაღაზიებისა და კაფეების მიმზიდველი ვიტრინებით. მალე გაზაფხული მოვა, გაზონებზე ყვავილებს დარგავენ, კაფეების მეპატრონეები მოსკოვის ქუჩებში დამატებით მაგიდებს დადგამენ, გოგონები მოკლე კაბებს ჩაიცვამენ... ფესტივალები, კონცერტები, გამოფენები... მოკლედ, ”აქ რუსეთის სულია, აქ რუსეთის სურნელი მცემს” - წერს რუსი ტურისტი.

სვეტიცხოვლის ისტორია

სვეტიცხოველი მდებარეობს             მცხეთაში, თბილისიდან 20 კმ-ზე.სვეტიცხოველი გეგმაში წარმოადგენს ჯვარს მოკლე განივი მკლავებით და გრძივი ჭრილებით. აღმოსავლეთის მკლავი თავდება აფსიდით. გუმბათი ოთხ მძლავრ ბოძს ეყრდნობა. გუმბათის ყელში 16 სარკმელია. ძველი ფრესკების უმეტესობა აღარაა შემორჩენილი. მოღწეული ჩუქურთმები მდიდარი და მრავალფეროვანია. სუფთად ნათალი ქვებით მოპირკეთებული ფასადები მდიდრულადაა მორთული.

ტაძრის შიგნით, გუმბათის მახლობლად სვეტებზე დაყრდნობილი კოშკისებური ნაგებობა - ეს არის საკუთრივ "სვეტიცხოველი". აქ ინახებოდა სასწაულმოქმედი სვეტის ნაწილი, რომლის ქვეშაც მარხია კვართი უფლისა. სამხრეთ მხარეს, შესასვლელიდან მადჯვნივ ქვის პატარა სამლოცველო იერუსალიმის ტაძრის გამოსახულებაა.

გალავანი 1787 წელს აუგიათ ერეკლე II - ის ბრძანებით. დასავლეთით მოთავსებულია სამრეკლო და XI ს-ის კარიბჭე - არქიტექტურის შესანიშნავი ნიმუში.

საუკუნეების განმავლობაში ტაძარი იყო მეფეთა საძვალეც. აქ არიან დასაფლავებული: ვახტანგ გორგასალი, ერეკლე II, საქართველოს უკანასკნელი მეფე გიორგი XII და სხვა დიდებულები.

იგი იმითაცაა მნიშვნელოვანი, რომ მასში განისვენებს კვართი უფლისა იესო ქრისტესი. იგი არის ერთიანი საქართველოს სიმბოლო:
გადმოცემის თანახმად, მცხეთის მკვიდრი ებრაელი ელიაზარი დასწრებია იესო ქრისტეს ჯვარცმას. ჯვარიდან მისი ჩამოხსნის შემდეგ მას რომაელი ჯარისკაცებისგან შეუძენია კვართი უფლისა და საქართველოში ჩამოუტანია. მცხეთაში ჩამოსულ ელიაზარს მისი და - სიდონია შეგებებია, რომელსაც ტირილით ჩამოურთმევია ქრისტეს კვართი, გულში ჩაუკრავს და მსწრაფლ სული განუტევებია. ვერავინ შესძლო იგი მიცვალებულისათვის ხელიდან გამოეგლიჯა და სიდონია ძვირფას კვართიანად დაუკრძალავთ. მის საფლავზე უზარმაზარი ლიბანის ნაძვის ხე ამოსულა, რომლის ქვეშ ზამთარ - ზაფხულ ყვავილნი ყვაოდნენ.

337 წელს ქრისტიანობა საქართველოში სახელმწიფო რელიგიად გამოცხადდა, პირველ ქრისტიან მეფეს მირიანს ნინო განმანათებლის რჩევით, განუძრახავს ტაძრის აგება იქ, სადაც დაკძალული იყო კვართი უფლისა. მოუჭრიათ საფლავზე ამოსული ხე და მისგან შვიდი სვეტი გამოუთლიათ.

ექვსი სვეტი აღუმართავთ, მეშვიდე კი - ყველაზე დიდი და გაბრწყინებული მიწას არ მიჰკარებია, ჰაერში ჩამოკიდულა, ანათებდა, გამოსცემდა სურნელს, ხოლო ძირიდან წარმოსდინდებოდა მირონი, რომელიც ყველა სენს კურნავდა. სწორედ ეს იყო "სუეტი ცხოველი" - სიცოცხლის მომნიჭებელი სვეტი, რომელის სახელიც ეწოდა ტაძარს.

შემდეგში ამ პირველი, ხის ეკლესიის ადგილას V ს-ის ბოლოს ვახტანგ გორგასალმა ააშენა ბაზილიკური ტიპის ქვის დიდი ეკლესია, 1010 - 1029 წლებში კი კათალიკოს მელქისედეკის თაოსნობით ხუროთმოძღვარმა არსუკიძემ ააგო ახლანდელი დიდი სვეტიცხოველი.
ლეგენდის მიხედვით, რადგან სვეტიცხოველის მშენებელს მასწავლებლისათვის უჯობნია და თანაც მეფე გიორგის რჩეული ქალი შეყვარებია, მისთვის ხელი მოუკვეთიათ. ტაძრის ჩრდილოეთ ფასადზე, ზემოთ, გამოსახულია ხელი, რომელსაც გონიო უპყრია. გვერდით წარწერაა: "ხელი მონისა არსუკისძისაი, შეუნდვეთ".

კაცხის ,,სვეტის” ისტორია

ალბათ გსმენიათ ,,შავი ოქროს” ქალაქ, ჭიათურაზე, სწორედ ჭიათურიდან, ზესტაფონის მიმართულებით 8 კმ-ს თუ გაივლით, გზად შეგხვდებათ ზემო იმერეთის ერთ_ერთი უძველესი და ულამაზესი სოფელი_კაცხი. ,,გეოგრაფიული ტერმინი  _ კაცხი სვანური სიტყვაა და მწვერვალს ნიშნავს” _ განმარტავს აკადემიკოსი აკაკი შანიძე. აამ სოფლის ერთ-ერთი კლდის ძირში იღებს სათავეს მდინარე კაცხურა. მდინარე კაცხურის ულამაზესი ხეობის ფერდობის ზედა ნაწილის კიდეზე მდებარეობს ,,კაცხის სვეტი”  რომელიც მრავალი საუკუნის წინად ტექტონიკური ძვრების შედეგად გაჩნდა. სვეტი 40-45 მეტრის სიმაღლისაა. კაცხის ,,სვეტი” უძველესი დროიდან იქცევდა ადამიანების ყურადრებას.

 არსებობს უამრავი ლეგენდა კაცხის სვეტის წარმოშობის შესახებ. ერთ-ერთი ლეგენდის თანახმად “იმ  არემარეში ახალი ედემის გაშენება უნებებია უფალს, მოუხმია ანგელოზნი, ზოგიერთისთვის  ყვავილნარის გაშენება უბრძანებია, ზოგისთვის ხეხილის, ზოგისთვის_ცხოველების გამრავლება  დაუვალებია. მორთეს და მოკაზმეს იქაურობა ანგელოზებმა. ერთ ადგილას დიდი ქვა ამოზრდილა,  ქვეშ უხსენებელმა დაიბუდა თურმე. გადმოხედა უფალმა ახალ ედემს, უზარმაზარი ჭრელი  უხსენებელიც დაინახა. განრისხდა, გადმოასხა მდუღარე ტალახი, ამობუგა ქვეწარმავლის ბუდე.  ჰაერშივე გაცივდა მოთუხთუხე ლავა, გაიყინა, აღიმართა სვეტად, ნიშნად იმისა, რომ დედამიწაზე  მოშთობილიყო ცდუნება და ვერაგობა.” ხალხმა სალოცავად აქცია ,,სვეტი” ქრისტესობამდე ,,სვეტი”  წარმართული კულტის_ნაყოფიერების დანიშნულებას ასრულებდა. ქრისტიანობის სახელმწიფო  რელიგიად გამოცხადების შემდეგ კი ,,სვეტზე” ეკლესია ააშენეს და წარმართულ ღვთაებათა პანთეონს  იგი სამუდამოდ გამოეყო. ამას ადასტურებს სვეტის ძირსი გამოკვეთილი ბოლნური ტიპის ჯვარი,  რომელსაც პარალელები ბოლნისსა და სირიაში მოეპოვებათ.

 1944 წლის ივლისში კაცხის სვეტზე ასულა პირველი ექსპედიცია, ალპინისტ ალექსანდრე ჯაფარიძის    ხელმძღვანელობით, მას თან ახლდა ხელოვნებათმცოდნე ვახტანგ ცინცაძე, მწერლები ლევან გოთუა და  აკაკი ბელიაშვილი, ასევე ჭიათურაში მცხოვრები ახალგაზრდები: შოთა ფოფხაზე და პაატა კუპატაძე.
 ჶექსპედიციის შთაბეჭდილებები მწერალმა ლევან გოთუამ დაწერა_წიგნი ,,მგზავრული კრიალოსანი”.  ხოლო რაც შეეხება ექსპედიციის მეცნიერულ კვლევას. ა1946 წელს ხუროთმოძღვრების სპეციალისტმა  ვახტანგ ცინცაძემ გამოაქვეყნა. მკვლევარის აზრით კლდის თხემზე ადრე შუა საუკუნეებს ორი  დარბაზული ეკლესია  იდგა. ერთი ნახევრად კლდეში ნაკვეთი (ვს.) მეორე კი მთლიანად ქვით ნაგები  (ვჳს). ეს კომპლექსი ვახტანგ ცინცაძემ მესვეტეობას დაუკავშირა, სირიში გავრცელებული უკიდურესად  ასტეკურ საბერმონაზვნო ცხოვრების წესს, რომლის ფუძემდებელი სვიმონ მესვეტე უფროსი (356-459  წ.წ) ანტიოქიის აღმოსავლეთით, ალეპოს სიახლოვეს ქვით აგებულ, მაღალ სვეტზე დამკვიდრდა და  ცხოვრების დიდი ნაწილი ამ სვეტზე გაატარა.
 1977 წელს კაცხის მონასტერში აღორძინდა სამონასტრო ცხოვრება, სესაბამისად საჭირო გახდა    სამონასტრო ცხოვრებისთვის სათანადო პირობების შექმნა. ყოველივე ამის გაკეთება კაცხში მორვაწე    ბერის, მამა მაქსიმეს დაუღალავი შრომითა და ძალისხმევით გაკეთდა. 1999 წელს დაიჭყო და 2000  წელს დასრულდა სვეტის ეზოში, სვიმონ მესვეტის სახელობის ეკლესიის აღდგენა. ეს ეკლესია  აღადგინა კაცხის მცხოვრებმა გიორგი მოდებაძემ. მან ჩვენთან საუბარში განაცხადა რომ ,,მონასტრის  ნაწილი, რომელიც არ იყო დანგრეული ხელშეუხებლად არის დატოვებული, აღდგენილია მონასტრის  ზემოთა ნაწილი, კუთხეებიდან.”
,,სვეტზე” ექსპედიცია 1999 წელს მეორედ ავიდა ალპინისტ ბ. გუჯაბიზის ხელმძღვანელობით.
,,ჭიათურმანგანუმის” გენერალური დირექტორის ბ-ნი აკაკი გურჯიძის ფინანსური დახმარებით 2006 წელს მოეწყო ,,სვეტზე” ასასვლელი კიბე.
2007 წელს კაცხის სვეტზე, ნანგრევებში აღმოაჩინა ქვა, ასომთავრული წარწერით. რომელიც როგორც ბერმა მაქსიმემ ჩვენთან საუბრისას განაცხადა XI საუკუნეს მიაკუთნეს. საინტერესოა წარწერის შინაარსი. წარწერაში მოხსენიებულია ვინმე ფრიად ცოდვილი გიორგი, რომელსაც სამი სახლი აუშენებია ,,ძელი ცხოველზე” დამკვიდრებულ დაყუდებულთათვის, ამგვარად საქმე ეხება ,,სვეტზე” ბერებისთვის განკუთვნილი სამი სენაკის მშენებლობას, საყურადრებოა ,,სვეტის” და სავარაუდოდ ,,სვეტზე” არსებული ეკლესიის სახელობაც_“ძელი ცხოვრებისა”. საინტერესოა ისიც რომ დღესაც სვეტზე ეკლესიების და სენაკების მშენებელი გიორგი მოდებაძეა, იმ ფრიად ცოდვილი გიორგის მოსახელე, რომელმაც ხჳ საუკუნეში სამი ეკლესია ააშენა ,,ძელი ცხოვრებაზე”.
კაცხურის ხეობაში, ისევე როგორც მთელს საქართველოში, ყველა ქრისტიანულ დღესასწაულს აღნიშნავენ. მაგრამ განსხვავებულია მაინც კაცხის სვეტთან დაკავშირებული დრესასწაულები: ,,სვეტობა ანუ სვეტიცხოვლობა”_ეს დრესასწაული აღინიშნება აღდგომის შემდეგ პირველ პარასკევს. ,,კოხინჯრობა”_აღინისნება ამაღლების სემდეგ ორშაბათს. ეს დღესასწაული განსაკუტრებით არინიშნება კაცხის სვეტთან. უამრავი ხალხი იკრიბება ამ დრეს ,,სვეტთან”. რიტუალი დილიდან იწყება და გვიან ღამით მთავრდება. ,,სვიმონ მესვეტის ხსენების დღე”_ აღინიშნება 14 სექტემბერს. ეს არის სვეტის ეზოში მდებარე ტაძრის დღესასწაული.

საქართველოს 7 საოცრება

1) ყაზბეგი

2)ვარძია                                                                                         

3)მარტვილის კანიონი                                                              

4)თუშეთი                                                                                   

5)სვანეთი                                                                                    

6) კრუბერის მღვიმე                                                                

   7)მცხეთა                                                                                                                                              

                                                           

სამება მსოფლიოს 5 უდიდესი მართლმადიდებლური ტაძრების რიცხვშია

1) მაცხოვრის საკათედრო ტაძარი-მოსკოვი, რუსეთი/სიმაღლე:103მ./აშენების თარიღი:1995-2000/-განახლებული მაცხოვრის ტაძარი 10 000 მლოცველზეა გათვალისწინებული.

 2)-ისააკის ტაძარი-სანკტ-პეტერბურგი, რუსეთი/ სიმაღლე:101, 5მ./აშენების თარიღი:1818-1858/გვიანდელი კლასიციზმის შესანიშნავი ნიმუში.

3)სამების საკათედრო ტაძარი-თბილისი, საქართველო/სიმაღლე:98მ./აშენების თარიღი:1995-2002/საქართველოს მართლმადიდებული ეკლესიის მთავარი საკათედრო ტაძარი.

4)მაცხოვრის ფერიცვალების ტაძარი-ხაბაროვსკი, რუსეთი/სიმაღლე:96მ./აშენების თარიღი:2001-2004/ტაძარი მდინარე ამურის პირას მდებარეობს.

5)სმოლნის ტაძარი-სანკტ-პეტერბურგი, რუსეთი./სიმაღლე:93, 7მ./აშენების თარიღი:1751-1835/

9 მიზეზი თუ რატომ უნდა ნახო საქართველო

“ევროპის საზღვრების მიღმა მდებარე ყოფილი საბჭოთა რესპუბლიკა საქართველო იდუმალებით არის მოცული. ჩრდილოეთ კავკასიონის მთებია გადაჭიმული, დასავლეთით შავი ზღა, სამხრეთით კი მშრალი უდაბნოები. ეს პატარა ქვეყანა რუსეთს, აზერბაიჯანს, სომხეთს და თურქეთს ესაზღვრება. საქართველო არამხოლოდ სხვადასხვა კულტურების გზაგასაყარზეა, ეს ქვეყანა გამოირჩევა შესანიშნავი და მდიდარი ბუნებით. ბოლო პერიოდამდე ძალიან ბევრი ადამიანისთვის რთული იყო საქართველოს რუკაზე მოძებნა, ზოგს ამერიკის შტატ ჯორჯიაშიც ეშლებოდა, მაგრამ საქართველომ სწრაფად დაიმკვიდრა თავის, როგორც ევროპის ახალი და ცხელ-ცხელი ტურისტული მიმართულება.

აქ არის 9 მიზეზი თუ რატომ უნდა ეწვიოთ საქართველოს ახლავე:

1 თბილისი

ეკლექტური*, მრავალფეროვანი ქალაქი, დაკიდებული აივნებითა და სპარსული სტილის გოგირდის აბანოებით, თამედროვე ფუტურისტული შუშის შენობებით. მდინარე მტკვრის ხეობაში მდებარე ქალაქი მთებითაა გარშემორტყმული. არქეოლოგიური კვლევების მიხედვით პირველი დასახლება თბილისის ტერიტორიაზე ძველი წელთაღრიცხვის მე-4 ათასწლეულში იყო. გეოგრაფიული მდებარეობიდან გამომდინარე თბილისი ძველი აბრეშუმის გზის მულტიკულტურულ ცენტრს წარმოადგენდა. ეთნიკური მრავალფეროვნება და ეკლექტური არქიტექტურა დღევანდელ თბილისზეც აისახება.აბანოთუბანში აბანოები სპარსული ტრადიციების მიხედვით ფუნქციონირებს, თუმცა თერმული წყალი აქ მიწიდან ბუნებრივად ამოდის. აბანოთუბნიდან გამოსვლის შემდეგ ქართულ, სომხურ ტაძრებს, მეჩეთსა და სინაგოგებს, ასევე ზოროასტრიული ეკლესიის ნანგრევებს იხილავ.თბილისის მულტიკულტურას სრულად შემოდგომაზე გაეცნობით, ამ პერიოდში 25 სექტემბრიდან 8 ოქტომბრის ჩათვლით თბილისის თეატრის საერთაშორისო ფესტივალი ტარდება.

2. უშგული

კავკასიონის მთებში 2200 მეტრზე მდებარე ამ სოფელში მთელი წლის განმავლობაში ცხოვრობენ. უშგული საქართველოს უმაღლესი მწვერვალის, შხარას ძირში მდებარეობს და ცნობილია თავდაცვითი კოშკებით, რომელიც თითოეულ სახლს აკავშირებს. სვანეთის რეგიონი ცნობილია უნიკალური კულტურით. სვანეთის მთავარი ქალაქია მესტია, რომელიც თანდათან შვეიცარიული კურორტის ექვივალენტი ხდება. რთული გზის გამო უშგულის მიმართულებით გადაადგილება ადვილი არ არის, სამაგიეროდ ამ სოფელმა პირველადი სახე შეინარჩუნა და ისეთი შეგრძნება გაქვს თითქოს აქ დრო გაჩერებულია. უშგული იუნესკოს მსოფლიო მემკვიდრეობის ძეგლად არის აღიარებული.

3. ღვინის სამშობლო

როდესაც ღვინის სამშობლოზე ვიწყებთ ფიქრს გვახსენდება საფრანგეთი, იტალია, საბერძნეთი ან სპარსეთი, მაგრამ ფაქტია, რომ საქართველო მსოფლიოში ღვინის უძველესი რეგიონია. 2003 წელს არქეოლოგებმა საქართველოში აღმოაჩინეს ფაქტები, რომლის მიხედვითაც ქვის ხანის პერიოდში, 8 ათასი წლის წინ ადამიანები ღვინის პროდუქტს ქმნიდნენ. ამ პერიოდიდან მოყოლებული ღვინო საქართველოს ეროვნულ იდენტობის საკითხში მთავარ როლს თამაშობს. ქვეყნის უძველესი ტრადიცია, რაც ღვინის ქვევრში დაყენებას გულისხმობს იუნესკოს არამატერიალური კულტურული მემკვიდრეობის ძეგლად არის აღიარებული. საქართველოში ასობით ვაზის ძირძველი ჯიშია შენარჩუნებული. ქართული ღვინო ნელნელა მსოფლიო აღიარებას იპოვებს

4. იდუმალებით მოცული კლდეში ნაკვეთი ქალაქები

საქართველო ევროპაში უჩვეულო კლდეში ნაკვეთი ქალაქების სამშობლოა. მარტო ამ ქალაქების სანახავად ღირს საქართველოში მოგზაურობა. უძველესი უფლისციხე, რომლის ზედაპირი მთვარის ლანდშაფტს ჰგავს. დავით გარეჯის სამონასტრო უდიდესი კომპლექსი კლდეშია გამოკვეთილი. თვალწარმტაც ვარძიაში კი ერთ დროს 2000 ბერი ცხოვრობდა.

5. ტრადიციული ქართული სუფრა

ქვეყნის კარგად გასაცნობად უნდა დააგემოვნო მისი ეროვნული კერძები. თუ ქართულ სუფრაზე არ ყოფილხარ და ქართული კერძები არ გაგისინჯავს, მაშინ საქართველო არ გაგიცნია.

6. შორეული მთის სოფლები

კავკასიონის მთების რეგიონებში ხევსურეთსა და თუშეთში უმშვენიერესი შუასაუკუნოვანი სოფლები მდებარეობს. აქ შემორჩენილი მოსახლეობა კვლავ ინარჩუნებს უძველეს ტრადიციებს. რეგიონის გზებზე მოგზაურობით ადრენალინი გამოიყოფა. შატილი და მუცო ზუსტად ისეთი, როგორც ცნობილი ბრიტანელი მწერალი ჯონ რონალდ რუელ თოლქინი აღწერს. ეს სოფლები ახლოს არის ჩეჩნეთთან. აქ შეგიძლიათ მესაზღვრეებიც იხილოთ. თუშეთის მჭიდრო თემები ქართულ შანრგილას ჰგავს. აქ უამრავი უძველესი კოშკი და ეკლესია. სოფლები, უმშვენიერესი მთები, ველური ყვავილები და ხეები ოქროსფრად მოჩანს. თუშეთში უამრავი სალაშქრო ბილიკია, ადგილობრივები ცნობილები არიან სტუმარმასპინძლობით.

7. ევროპის ყველაზე სიუერეალური მუზეუმი

სტალინის ცხოვრების შესახებ თუ გსურს მეტი გაიგო, ესტუმრეთ გორს და იოსებ სტალინის უცნაურ მუზეუმს.

8. მშვენიერი და უძველესი ეკლესიები

საქართველომ ქრისტიანობა 324 წელს მიიღო. ამ ქვეყანაში ძალიან ბევრი ლამაზი ეკლესია და საკათედრო ეკლესიაა. ეს ტაძრები წარმოუდგენელ ადგილებში მდებარეობს. მათ შორისაა იუნესკოს მსოფლიო მემკვიდრეობის ძეგლები- სვეტიცხოველი მცხეთაში და ბაგრატის ტაძარი ქუთაისში. ასევე აღსანიშნავია მთის წვერზე მდებარე გერგეთის სამება, რომელიც ყაზბეგის მუნიციპალიტეტშია. ეს მხარე ცნობილია მსოფლიოში ყველაზე ლამაზი მარათონის გზით. წელს სექტემბერში აქ შეგიძლიათ ყაზბეგის სათავგადასავლო მარათონზე მოხვდეთ.

9. ქართველი ხალხი და ქართული სტუმართმოყვარეობა

ზოგიერთი ქართველი ერთი შეხედვით ძალიან სერიოზულია, მაგრამ უმრავლესობა ძალიან კეთილი და გულგახსნილია. ქართველები სტუმარს ღმერთისგან გამოგზავნილად მიიჩნევა და ხშირად მზად არიან დაეხმარონ. ქართველების გულუხვობა და სტუმართმოყვარეობა ხშირად სუფრაზე ჭამასა და განსაკუთრებით სმაში გამოიხატება. როგორც საქართველოში იტყვიან “გაუმარჯოს!”, – აღნიშნულია სტატიაში.

უცხო სიტყვათა ლექსიკონი

*ეკლექტიკა იგივეა, რაც ეკლექტიზმი (ბერძნ. εκλεκτός „რჩეული, საუკეთესო“, ბერძნულიდან εκλέγω, „არჩევა, შერჩევა“) — შერჩევა-დაკავშირება სხვადასხვა სტილების. ტერმინი შემოტანილ იქნა II საუკუნეში ფილოსოფიური სკოლა ეკლექტიზმის ფუძემდებელ პოტამონის მიერ. ხელოვნებაში სხვადასხვა სტილის, განსხვავებული კომპოზიციური ხერხებისა და ელემენტების აღრევა. ეკლექტიკა — მიმართულება არქიტექტურაში, დომინირებდა ევროპაში 1830-1890-იან წლებში. ეკლექტიკა — მიმართულება ანტიკურ ფილოსოფიაში, ნაირგვარი სტილების შემაერთებელი.